"Gəncəbasar"ın baş məşqçisi Elhad Nəziri olacaq.
Sportliqa.az xəbər verir ki, gənc mütəxəssislə bir illik müqavilə bağlanıb. Elhad Nəzirinin təyinatı klubun təqdimat mərasimində ictimaiyyətə açıqlanıb.
Sabiq futbolçu kimi milli karyeraya malik olan Elhad Nəzirinin Premyer Liqa və I Liqa klublarında iş təcrübəsi var. 34 yaşlı çalışdırıcı elitada "Şamaxı" və "Səbail"də köməkçi məşqçi işləyib. I Liqada "Cəbrayıl"ın baş məşqçisi olub.
Tədbirdə çıxış edən Elhad Nəziri təklif zamanı "Gəncəbasar" layihəsinin ona maraqlı gəldiyini, klubun inkişafı, rəqabətədavamlı komandanın formalaşması üçün əzmlə çalışacağını vurğulayıb.
