"Kəpəz" yeni baş məşqçisi Adil Şükürovun rəhbərliyi altında ilk məşqə çıxıb. Sportliqa.az xəbər verir ki, bu, Gəncə şəhər stadionunun ehtiyat meydançasında baş tutub.

Yeni baş məşqçinin gəlişiylə Gəncə təmsilçisinin məşqçilər korpusunda dəyişikliklər baş verib. Belə ki, bunadək "Neftçi"nin U-19 kolmandasının baş məşqçisi olmuş İlyas Qurbanov hazırda Şükürovun əsas köməkçisi sayılır. Gəncəli məşqçi Zaur Əsədov da əsas komandada yer alıb. Şükürov sabiq baş məşqçi Azər Məmmədovun vaxtındakı köməkçi məşqçilərdən analitik İlkin Verdiyevlə qapıçılarla işləyən Tariyel Hüseynovu saxlayıb.

Xatırladaq ki, "Kəpəz" Premyer Liqada yaranan ikihəftəlik fasilədən sonra "Səbail"in qonağı olacaq.