Baş məşqçi Azər Məmmədovla yollarını ayıran "Kəpəz"də növbəti ayrılıqlar gerçəkləşib.

Sportliqa.az saytına verilən məlumata görə, uzun illərdir Gəncə təmsilçisində çalışan həkim Şıxəli Həsənovun işinə son verilib.

Bundan başqa "Kəpəz"in koordinatoru İlham Səmədov və onun köməkçisi İbrahim Hüseynovla da yollar ayrılıb. Klubda ayrılıqların davam edəcəyi gözlənilir.

Qeyd edək ki, "Kəpəz" Premyer Liqada 13 turdan sonra 9 xal toplayıb və turnir cədvəlinin 9-cu pilləsində qərarlaşıb.