2023-cü il sona yaxınlaşır.

Təbii ki, başa çatmaqda olan il futbolçular və onların ailə üzvləri üçün xoş, eləcə də kədərli günlərlə, hadisələrlə yadda qaldı.

Ölkəmizdə top qovan tanınmış komandaların sevilən legionerləri ilə söhbətdə 2023 və qarşıdan gələn 2024-cü illə bağlı 3 suala cavab tapmağa çalışdıq.

1.Yeni ili kiminlər və harada qarşılayacaqsan?

2. 2023 yaddaşında hansı izləri buraxdı?

3. 2024-cü ildən diləyin nədir? Hansı arzularının həyata keçməsini istəyirsən?

“Qarabağ”ın adından söz etdirən futbolçusu Abdullah Zubir Sportinfo.az-ın suallarını cavablandırıb.
 

1. Bu ilin sonuncu günündə Fransada, ailəmlə birlikdə olacağam. Başqa planımız yoxdur, evimizdə yığışacağıq.

2. İdman prinsipləri baxımından bizim üçün uğurlu il olduğunu deyə bilərəm. Ötən mövsümü çempion qismində başa vurduq, bu dəfə qış fasiləsinə birinci pillədə yollandıq, ölkə kubokunda mübarizəni davam etdiririk, Avropa Liqasına vəsiqə qazandıq, bu yarışda ilk dəfə qrup mərhələsini adladıq. Şəxsi həyatımda da hər şey qaydasında idi.

3. 2024-cü ildən gözləntilərim böyükdür. Çox nikbinəm. Ən böyük arzum "Braqa” səddini adlamaq və növbəti çempionuluğu qeyd etməkdir. Bunları bacaracağımıza inanıram. Tanrıdan sağlam həyat arzulayıram.