"Neftçi" klubu zədəli futbolçularının son durumunu açıqlayıb.

Sportliqa.az klubun mətbuat xidmətinə istinadən xəbər verir ki, Misli Premyer liqasının 20-ci turunda “Qəbələ” ilə matçdan əvvəl keçirilən son məşqdə zədələnən qolkiper İvan Brkiç müalicə prosesini davam etdirir.

Bir müddətdir zədəli olan Kilan Lebon fərdi olaraq hazırlaşır.

Asiya kobokunda Fələstin milli komandası ilə çıxışını başa vuran Ataa Caber isə orada bir müddət müalicə keçdikdən sonra Bakıya qayıdacaq.