Bu gün UEFA Çempionlar Liqasında 3-cü təsnifat mərhələsinin püşkü atılacaq.

Sportliqa.az xəbər verir ki, İsveçrənin Nyon şəhərində keçiriləcək tədbir Bakı vaxtı ilə saat 14:00-da başlayacaq.

Püşkatmada Azərbaycan təmsilçisi “Qarabağ” klubunun da potensial rəqibi müəyyənləşəcək. Ağdam klubu səpələnmişlər səbətində yer alıb.

"Qarabağ" 2-ci təsnifat mərhələsində Cəbəllütariqin “Linkoln” klubunu keçərsə, növbəti mərhələdə 3 cütlükdən birinin qalibi ilə üz-üzə gələcək:

"Qarabağ"ın ÇL-in 3-cü təsnifat mərhələsindəki potensial rəqibləri

Səpələnməmişlər

"Lüdoqorets" (Bolqarıstan) – "Dinamo" (Minsk, Belarus) cütünün qalibi

"Şemrok Rovers" (İrlandiya) – "Sparta" (Çexiya) cütünün qalibi

APOEL (Kipr) – "Petrokub" (Moldova) cütünün qalibi

Qeyd edək ki, Çempionlar Liqasında 3-cü təsnifat mərhələsinin ilk oyunları avqustun 6-7-də, cavab matçları isə avqustun 13-də keçiriləcək.