"Qarabağ"In forvardı Olavio Juninyo Premyer Liqanın 28-ci turunun "Kəpəz"lə matçından sonra jurnalistlərin suallarını cavablandırıb.

Sportliqa.az xəbər verir ki, braziliyalı hücumçu ona təkliflərin olub-olmamasına da aydınlıq gətirib:

- "Qarabağ"da ilk çempionluğunu qazandın. Təəssüratların necədir?

- Əslində, "Qarabağ"da ilk titulumla yanaşı, elə peşəkar idmançı kimi də birinci titulumdur. Bu da mənə əlavə sevinc bəxş edir.

- Belə erkən çempionluq gözləyirdin?

- Hər mövsümdən öncə klub qarşısına hədəflər qoyur. Bu da görülən işlərin nəticəsidir. Əslinə qalsa, bu qədər erkən çempionluğu gözləmirdim. Amma planımızda var idi.

- Fransa klublarından təkliflər almağın nə dərəcədə realdır?

- Bununla bağlı heç bir məlumatım yoxdur. Əgər varsa da, agentim bu işlərlə məşğul olur. Gələcək və özü mənə lazım olan məlumatları verəcək. Şəxsən mənim özüm heç bir məlumata sahib deyiləm.