Azərbaycan Premyer Liqasında 15-ci tur davam edir.

Sportliqa.az xəbər verir ki, bu gün turun daha 2 görüşü keçiriləcək.

Əvvəlcə "Şamaxı" öz meydanında "Kəpəz"i qəbul edəcək. Ayxan Abbasovun komandası son turlar zəif təsir bağışlayır. Təsadüfi deyil ki, son 5 turda 4 dəfə uduzan “Şamaxı” cəmi 1 xal qazanıb. Odur ki, meydan sahibləri bu matçda uğursuz gedişə son qoymağa çalışacaq.

“Kəpəz” də meydana qələbə üçün çıxacaq. Azər Bağırovun gəlişindən sonra xal ehtiyatını artıran Gəncə klubunu hazırda 9-cu pillədəki “Səbail”dən cəmi 1 xal geri qalır. “Kəpəz” səfərdə qələbə qazana bilsə, sonuncu yerdən qurtulacaq.
Günün son oyununda isə "Zirə" "Sumqayıt”ı qəbul edəcək.

30 noyabr (şənbə)

14:30. “Şamaxı”– “Kəpəz”

Hakimlər: İnqilab Məmmədov, Zöhrab Abbasov, Rahil Ramazanov, Əkbər Əhmədov

VAR: Tural Qurbanov

AVAR: Teymur Teymurov

Şamaxı şəhər stadionu

17:00. “Zirə” – “Sumqayıt”

Hakimlər: Rəşad Əhmədov, Vüsal Məmmədov, Rəhman İmami, Elvin Bayramov

VAR: Nicat İsmayıllı

AVAR: Asiman Əzizli

Zirə İK stadionu