"Barselona" "Feyenoord"dan oyunçu transfer etmək istəyir.

Sportliqa.az xəbər verir ki, Kataloniya təmsilçisi Rotterdam klubunun meksikalı hücumçusu Santiaqo Ximeneslə yaxından maraqlanır.

Eyni zamanda, ispanlar futbolçunun transferi üçün rəqabətin yüksək olacağını və Niderland klubunun böyük təzminat istəyəcəyini anlayır.

Bu mövsüm 22 yaşlı futbolçu Erediviziyada 10 matçda 13 qol vurub və 3 məhsuldar ötürmə edib. Meksikalı Çempionlar Liqasında "Latsio"ya qarşı keçirilən görüşdə (3:1) iki qol vurub. "Barsa" rəhbərliyi nə qədər çətin olsa da, Ximenesi heyətinə qatmaq üçün danışıqlara başlayacaq.

Meksika millisinin forvardı 2022-ci ildə "Kruz Asul"dan "Feyenoord"a keçib.