"Arsenal" "Aston Villa"nın müdafiəçisi Ezri Konsanın transferini rəsmən açıqlayıb.
Sportliqa.az xəbər verir ki, bu haqda klubun mətbuat xidməti məlumat yayıb. London klubu 27 yaşlı futbolçu üçün 51 milyon funt sterlinq ödəyib. Razılaşmaya daha 4 milyon funt sterlinq məbləğində bonus da daxildir.
İngiltərə millisinin müdafiəçisi ilə 4 illik müqavilə imzalanıb. Sözləşmənin daha bir il uzadılması imkanı da var.
