AFFA-nın Avropa çempionatının seçmə mərhələsində Estoniyaya səfərdə 2:0 hesabıyla qalib gələn Azərbaycan millisinin üzvlərinə verdiyi mükafat məlum olub.

Sportliqa.az Sportinfo.az-a istinadən xəbər verir ki, federasiya tərəfindən bu qələbə kifayət qədər yüksək qiymətləndirilib.

Belə ki, qurum Tallindən 3 xalla dönən komandanın oyunçularına 30 min manat ödəmə edib.

Qeyd edək ki, Canni De Byazinin baş məşqçisi olduğu komanda hazırda qrupda 4-cü yerdədir. 4 xalı olan yığmamız turnir cədvəlində yalnız Estoniyanı qabaqlayır.