"Qəbələ"nin 19 yaşadək futbolçulardan ibarət komandasının UEFA Gənclər Liqasının Çempionlar yolunun ikinci təsnifat mərhələsində keçirəcəyi matçlarının məkanı və vaxtı dəqiqləşib.

Sportliqa.az xəbər verir ki, "Olimpiakos"a qarşı noyabrın 8-də keçiriləcək ilk görüş Qəbələ şəhər stadionunda olacaq. Qarşılaşmaya 16:00-da start veriləcək. Pireydəki cavab görüşü isə noyabrın 29-a planlaşdırılıb. "Olimpiakos" məşq mərkəzində baş tutacaq görüş 19:00-da başlayacaq. 

"Qəbələ" ilk təsnifat mərhələsində "Puşkaş Akademiya"nı mübarizədən kənarlaşdırıb (1:1, 1:0).