Azərbaycan milli komandasının müdafiəçisi Elvin Cəfərquliyev AVRO-2024-ün seçmə mərhələsinin İsveçlə (3:0) oyunundan sonra mətbuata açıqlama verib.

Sportliqa.az xəbər verir ki, 3:0 hesablı qələbədən danışan Cəfərquliyev azarkeşlərə təşəkkür edib:

"Qələbəyə görə çox sevincliyik. Uzun müddətdən sonra evdə qələbə qazandıq. Komanda olaraq döyüşdük, sona qədər vuruşduq. Qələbəyə layiq idik. Yeri gəlmişkən, azarkeşlərimizə də təşəkkür edirəm. Gəlib bizə dəstək oldular. Sağolsunlar".