Madrid “Real”ının yarımmüdafiəçisi Luka Modriç yay transfer pəncərəsində klubunu dəyişə bilər. 

Sportliqa.az xəbər verir ki, 38 yaşlı futbolçu ilə Səudiyyə Ərəbistanı çempionatının klubları maraqlanır. Onun karyerasını sözügedən ölkədə davam etdirəcəyi yüksək qiymətləndirilir. Modriç yayda azad agent kimi başqa komandaya keçə bilər. 

Xorvatiyalı futbolçu 2012-ci ildən “kral klubu”nda çıxış edir. Bu mövsüm Modriç Madrid təmsilçisinin heyətində 22 matçda iştirak edib, 1 qol vurub və 5 məhsuldar ötürmə verib.