Azərbaycan yığmasının qapıçısı Şahruddin Məhəmmədəliyevin də formasını geyindiyi "Adana Demirspor" bu gün Türkiyə kubokunda 1/16 final mərhələsinin oyununa çıxıb.

Sportliqa.az xəbər verir ki, Superliqa klubu 2-ci liqa təmsilçisi "24 Erzincanspor"la qarşılaşıb. Matçın əsas vaxtı 2:2 hesabı ilə başa çatdığı üçün əlavə vaxta ehtiyac duyulub. Burada da hesab dəyişilmədiyindən qalib penaltilər seriyasında müəyyənləşib. Daha dəqiq olan "24 Erzincanspor" 7:6 hesabı ilə qalib gələrək növbəti mərhələyə yüksəlib. "Adana Demirspor" isə turnirlə vidalaşıb.

"Adana Demirspor" - "24 Erzincanspor" - 2:2 (penaltilər seriyası - 6:7)
Qollar: Alkurt, 65 (0:1), Yigiter, 77 (0:2), Miçut, 89 (1:2), Akbaba, 90+2 (2:2)

Şahruddin Məhəmmədəliyev bu görüşdə oynamayıb. Onun adı matçın iştirak ərizəsinə salınmayıb.