“Mançester Siti”nin hücumçusu Erlinq Haland “Globe Soccer” mükafatına layiq görülüb.

Sportliqa.az xəbər verir ki, 23 yaşlı forvard hər kəsi qabaqlayaraq 2023-cü ilin ən yaxşı futbolçusu seçilib.

Halanddan başqa, bu mükafata Cud Bellingem (“Real”), Kərim Benzema (“Əl-İttihad”), Kevin De Bröyne (“Mançester Siti”), Kilian Mbappe (PSJ), Lionel Messi (“İnter Mayami”), Viktor Osimhen (“Napoli”), Məhəmməd Salah (“Liverpul”), Kristiano Ronaldo (“Əl-Nəsr”), Bernardo Silva (“Mançester Siti”) və Vinisius Junior (“Real”) da namizəd idi.

Mükafatın 2022-ci ildəki qalibi isə Kərim Benzema olub.

Haland ötən mövsüm “Mançester Siti” ilə 3 kubok qazanıb – Çempionlar Liqası, İngiltərə Premyer Liqası və İngiltərə kuboku. O, “şəhərlilər”in heyətində 53 matçda iştirak edib və 52 qol vurub.