Futbol üzrə Türkiyə Birinci Liqasında 19-cu turun oyunları keçirilir.

Sportliqa.az xəbər verir ki, Azərbaycan millisinin hücumçusu Ramil Şeydayevin yeni komandası "Kocaelispor" öz meydanında lider "Eyüpspor"u qəbul edib və 2:1 hesabı ilə qalib gəlib..

Ramil Şeydayev bu görüşdə "Kocaelispor"da debüt edə bilməyib. O, sona qədər ehtiyatda qalıb.

Arda Turanın çalışdırdığı "Eyüpspor"da çıxış edən  Azərbaycanın U-21 millisinin sabiq üzvü Taşkın İlter isə zədə səbəbindən oyunda iştirak etməyib.

Bu qələbə ilə xallarını 36-a yüksələdən "Kocaelispor" 2-ci pilləyə yüksəlib. Lider "Eyüpspor"un 45 xalı var. Bir oyun az keçirən "Göztepe" isə 35 xalla 3-cüdür.