FİFA prezidenti Canni İnfantino "Real"ın hücumçusu Vinisius Junior ətrafında yaranan mübahisəyə münasibət bildirib.

Sportliqa.az xəbər verir ki, bu barədə qurumun sosial media hesabında məlumat paylaşılıb.

"UEFA Çempionlar Liqasının "Benfika" və "Real" arasında keçirilən matçında Vinisius Juniora qarşı iddia edilən irqçilik hərəkəti barədə xəbər tutanda şoka düşdüm və kədərləndim. İdmanımızda və ya cəmiyyətimizdə irqçiliyə yer yoxdur - bütün maraqlı tərəflərin tədbir görməsini və məsul şəxsləri məsuliyyətə cəlb etməsini istəyirik.

FIFA-da, Qlobal irqçiliyə qarşı təşkilat və oyunçuların hüquqları komissiyası vasitəsilə futbolçulara, rəsmilərə və azarkeşlərə hörmət və qorunma təmin etməyə, hadisələr baş verdikdə müvafiq tədbirlər görməyə çalışırıq. Oyunu dayandırmaq və vəziyyəti həll etmək üçün əl işarəsindən istifadə edərək irqçilik əleyhinə protokolu aktivləşdirdiyinə görə hakim Fransua Leteksyeyə minnətdarlığımı bildirirəm.

FIFA və futbol irqçilik, bütün növ ayrı-seçkilik qurbanları ilə tam həmrəydir. Həmişə təkrar edəcəyəm: İrqçiliyə yox! Hər hansı bir ayrı-seçkiliyə yox!", - deyə İnfantino açıqlama verib.