AVRO-2024-ün seçmə mərhələsi çərçivəsinin İsrail - İsveçrə oyunu təxirə salınıb.

Sportliqa.az xəbər verir ki, matç noyabrın 15-də keçiriləcək.

Ancaq görüşün məkanı hələ ki, bəlli deyil. Qarşılaşmanın İsraildə keçirilməyəcəyi gözlənilir.

Oyunun təxirə salınması İsrail və Fələstin arasındakı müharibə ilə bağlıdır. Öncədən isə görüşün oktyabrın 12-də keçirilməsi nəzərdə tutulmuşdu.

Əlavə edək ki, İ qrupunda yer alan İsrail İsveçrə və Rumıniyadan sonra qrupda üçüncü pillədədir. Həmin qrupda adıçəkilən millilərlə yanaşı, Belarus, Kosovo və Andorra da mübarizə aparır. Birinci dövrədə İsveçrə evdə İsrailə 3:0 qalib gəlmişdi.