UEFA Çempionlar Liqasının 2-ci təsnifat mərhələsində "Orxus" (Danimarka) - "Lex" (Polşa) ilk oyunu yekunlaşıb.

Sportliqa.az xəbər verir ki, görüşdə "Lex" 4:1 hesablı qələbə qazanıb.

"Orxus"un qolunu 55-ci dəqiqədə Kristian Arnstad vurub. "Lex"in heyətində isə Patrik Valemark dubl edib (42, 65), Maykl İsak (29) və Terri Yeqbe isə (61) hərəyə 1 dəfə fərqləniblər. Həmçinin 37-ci dəqiqədə Danimarka klubunun futbolçusu Yesper Hansen qırmızı vərəqə alıb.

Komandalar arasında cavab oyunu 29 iyul tarixində Poznan şəhərində keçiriləcək. 

Xatırladaq ki, bu cütün qalibi 3-cü mərhələdə "Sabah" - "KuPS" cütünün güclüsü ilə üz-üzə gələcək. “Sabah” 2-ci təsnifat mərhələsinin ilk matçında öz meydanında Finlandiya təmsilçisini 1:0 hesabı ilə məğlub edib.