Misli Premyer Liqasında beşinci tur davam edir. 

Sportliqa.az xəbər verir ki, ikinci oyun günündə daha iki görüş keçiriləcək. 

Əvvəlcə “Kəpəz” öz meydanında “Qəbələ”ni qəbul edəcək. Hazırda Gəncə klubu 3 xalla 9-cu, “qırmızı-qaralar” isə 4 xalla 7-ci pillədə qərarlaşıb. 

Digər matçda isə “Sumqayıt” doğma divarlar arasında “Şamaxı”nı sınağa çəkəcək. “Gənclik şəhəri”nin təmsilçisi 3 oyundan sonra çempionatda xal qazanmayan yeganə komandadır. “Şamaxı” isə 4 matçdan 5 xal toplayıb və 6-cı pillədədir. 

Misli Premyer Liqası

V tur

12 sentyabr (şənbə)

17:30. “Kəpəz” - “Qəbələ”
Hakimlər: Tural Qurbanov, Asiman Əzizli, Cəmil Quliyev, Cavid Cəlilov
VAR: Elvin Bayramov 
AVAR: Kamran Bayramov
Gəncə şəhər stadionu

19:45. “Sumqayıt” - “Şamaxı”
Hakimlər: Əli Əliyev, Eyyub İbrahimov, Teymur Teymurov, İnqilab Məmmədov
VAR: Vüqar Həsənli
AVAR: Rahil Ramazanov
“SOCAR Polymer Arena”