![Nəcəfin 5 ayına “quyruqlu 5”](https://sportliqa.az/upload/news/3652/770x552/photo_5384328408978285012_y.jpg)
Azərbaycan millisinin kapitanı Emin Mahmudov AVRO-2024-ün seçmə mərhələ çərçivəsində Avstriyaya qarşı keçiriləcək matçdan öncə mətbuat konfransında iştirak edib.
Sportliqa.az xəbər verir ki, yarımmüdafiəçi sabah keçiriləcək oyunla bağlı danışıb. O, jurnalistlərin suallarını da cavablandırıb:
- İlk növbədə bizi yaxşı komandaya qarşı oyun gözləyir. İntensiv futbol oynayırlar. İstəyirik ki, yaxşı nəticələrin davamı gəlsin. Sabah meydana qələbə üçün çıxacağıq . Əlimizdən gələni edəcəyik.
- Özünü millidə uğur talismanı sayırsan? Oyunöncəsi mətbuat konfranslarına daim sən gəlirsən...
- Belə şeylərə inanmıram. Bəlkə də, kapitan olduğum üçün tez-tez gəlirəm, danışıram. Komandaya sözü mən çatdırıram.
- Milli uzun fasilədən sonra Tofiq Bəhramovda oynayacaq. Bu arenada oynamaq sizə necə təsir edəcək?
- Yaxşıdır ki, stadion şəhərin mərkəzindədir, azarkeş çox gələcək. Əsas odur ki, uğurlu olsun.
- Avstriyaya necə qalib gəlmək olar?
- Çox sıx oynamaqla. Bir-birimizə yaxın olmalıyıq. Çünki onlar yaxşı top saxlayır. Ara ötürmələrini yaxşı verirlər. Arxada top itirməməliyik. Səfərdə 1:4 hesabı ilə uduzanda, onlar topu bizdən alıb hücuma qoşulurdular. Çalışacağıq ki, rəqibə çox şans verməyək. Çətindir, Avstriya çox yaxşı komandadır. Amma çalışacağıq ki, yaxşı nəticə olsun.