Azərbaycanı voleybol üzrə Çelenc kubokunda təmsil edən “Xarı Bülbül Şuşa” 1/32 final mərhələsində Slovakiyanın “TJ Spartak MYJAVA” komandası ilə üz-üzə gələcək.

Sportliqa.az xəbər verir ki, tərəflərin qarşılıqlı razılığına əsasən hər iki oyun Bakıda keçiriləcək. Oktyabrın 25-dəki qarşılaşmada təmsilçimiz, ertəsi gün isə rəqib meydan sahibi sayılacaq. Hər iki matç GİN-in Voleybol Mərkəzində keçiriləcək və saat 18:00-da başlayacaq.

Qeyd edək ki, hər iki qarşılaşma "CBC Sport" televiziya kanalı vasitəsilə yayımlanacaq.