"Real Madrid"in baş məşqçisi Karlo Ançelotti "El Klasiko"da "Barselona"nı məğlub etmələrindən danışıb.

Sportliqa.az xəbər verir ki, italiyalı mütəxəssis ilk hissədə zəif oynadıqlarını bildirib:

"İlk hissədə zəif çıxış etdik. Komandamız çox aqressiv deyildi. İkinci hissədə isə tam əksi oldu. Bəzən istədiyimiz kimi olmaya bilərik. Belə hallar yaşana bilər. İkinci hissədəki futbolumuzla qalib gəlməyi bacardıq. Luka Modriç meydana daxil olduqdan sonra topa daha çox nəzarət etdik. Çətin səfərdən 3 xalla qayıdırıq. "Barselona" möhtəşəm komanda olmaq yolunda böyük addımlar atır. Bellinqem bu mövsüm rahatlıqla 25 qol vuracaq. O, hücumçu deyil. Biz hücumçularımızdan qollar gözləyirik".