Azərbaycan millisinin voleybolçusu Polina Rəhimova Vyetnamın “Xoa Çat Duk Qianq Tia Sanq” klubu ilə vidalaşıb.

Sportliqa.az xəbər verir ki, 33 yaşlı oyunçu bu barədə “Facebook” səhifəsində paylaşım edib: “Təşəkkür edirəm, Vyetnam. Buranın insanları həmişə mənə özümü evdəki kimi hiss etməyə imkan verir. Gələcəkdə yenidən görüşənədək”.

Rəhimova 2021/2022 mövsümündə bu ölkədə “Geleximko Thai Binh” klubunun formasını geyinib. O, hazırkı komandası ilə Vyetnam liqasında gümüş medal qazanıb və çempionatın ən yaxşı hücumçusu seçilib.