Bu gün "Zirə" UEFA Avropa Liqasının 1-ci təsnifat mərhələsində ilk oyununa çıxacaq.

Sportliqa.az xəbər verir ki, Rəşad Sadıqovun baş məşqçilik etdiyi komanda Moldova "Şerif"i ilə üz-üzə gələcək. Rəqibin adını daşıyan stadionda keçiriləcək oyunu isveçrəli referi Alessandro Dudiç idarə edəcək.

Görüş Bakı vaxtı ilə saat 21:00-da başlayacaq. Bu komandalar arasında cavab oyunu iyulun 18-də Bakıda keçiriləcək.

"Zirə" "Şerif"i üstələsə, 2-ci mərhələdə “Elfsborq” (İsveç) – “Pafos” (Kipr) cütünün qalibi ilə qarşılaşacaq. “Qartallar” mərhələ adlasa, 2-ci təsnifatda birinci oyunu Bakıda keçirəcək.

Avropa Liqası, 1-ci təsnifat mərhələsi

21:00. "Şerif" - "Zirə"

Baş hakim: Alessandro Dudiç, Paskal Hirzel, Susann Küng, Anojen Kanaqasinqam (İsveçrə)

"Şerif" stadionu