Slovakiyanın paytaxtı Bratislava şəhərində cüdo üzrə gənclər arasında Avropa çempionatı start götürüb.

Sportliqa.az xəbər verir ki,  ilk yarış günündə Azərbaycan millisinin 3 üzvü fəxri kürsüyə qalxıb. 

Nihad Məmişov (-60 kq) və Məhəmməd Musayev (-66 kq) bütün rəqiblərinə qalib gələrək Avropa çempionu olublar.

Nizami İmranov (-66 kq) isə qitə birinciliyini bürünc medalla başa vurub.

Qeyd edək ki, aktivində 2 qızıl və 1 bürünc medal olan yığmamız ümumi komanda hesabında ikinci, kişilər arasında birinci pillədə qərarlaşıb.