"Çelsi" rəhbərliyi "Əl-Nəsr" və Portuqaliya millisinin hücumçusu Kriştiano Ronaldoya böyük maraq göstərir. Futbolçunun fevralda 41 yaşı tamam olmasına baxmayaraq o, "mavilər"in marketinq strategiyası üçün ən cəlbedici fiqurlardan biri olaraq qalır.

Sportliqa.az xəbər verir ki, bu barədə məlumatı "Football Insider" paylaşıb.

Bildirilir ki, mümkün sövdələşmədə əsas amil potensial kommersiya faydasıdır. "Çelsi"nin sahibləri Ronaldonun transferini azarkeş bazasını əhəmiyyətli dərəcədə genişləndirmək və sponsorluq gəlirlərini artırmaq üçün bir vasitə kimi görürlər.

Ronaldonun "Stemford Bridc"ə keçidi ilə bağlı şayiələr qış "transfer pəncərəsi" boyunca davam edib. Son illərdə transfer siyasəti gənc oyunçulara yönəlmiş "Çelsi" üçün bu cür səviyyəli bir veteranın gətirilməsi klubun qlobal media təsirini dərhal artırmağa yönəlmiş müstəsna bir addım ola bilər.