"Real"ın yarımmüdafiəçisi Cud Bellinqem və hücumçusu Kilian Mbappe Çempionlar Liqasının 1/8 final mərhələsinin "Mançester Siti" ilə ilk oyununu buraxa bilərlər.

Sportliqa.az xəbər verir ki, bu barədə "The Athletic" məlumat yayıb.

Bildirilir ki, Bellinqem hələ də bud əzələsindən aldığı zədədən sağalır. Madrid klubu 22 yaşlı ingilisin martın 17-də keçiriləcək cavab oyununa qayıda biləcəyinə ümid edir. Lakin, martın 22-də "Atletiko"ya qarşı baş tutacaq çempionat matçı daha çox ehtimal olunan qayıdış hesab olunur.

"Real" Mbappenin də İngiltərə klubuna qarşı ilk oyunda oynayacağını gözləmir. Üstəlik, 27 yaşlı hücumçunun cavab oyununda iştirakı da qeyri-müəyyən olaraq qalır.

Hər iki oyunçunun dəqiq qayıdış tarixləri hələ müəyyən edilməyib. Klub zədələrini ağırlaşdırmamaq üçün onların sağalmasını tələsdirməkdən çəkinir.

Qeyd edək ki, "Real" və "Mançester Siti" arasında Çempionlar Liqasının 1/8 final mərhələsinin ilk oyunu martın 11-də "Santyaqo Bernabeu" stadionunda keçiriləcək.