Əlcəzair Futbol Federasiyası (FAF) millinin baş məşqçisi Vladimir Petkoviçlə əməkdaşlığı davam etdirmək qərarına gəlib.

Sportliqa.az xəbər verir ki, "Goal" nəşrinin məlumatına görə, DÇ-2026-da uğursuz çıxışa baxmayaraq federasiya bosniyalı mütəxəssislə müqaviləyə xitam verməkdən imtina edib.

Xatırladaq ki, Əlcəzair millisi dünya çempionatının 1/16 finalında İsveçrəyə 0:2 hesabı ilə uduzaraq mübarizəni erkən dayandırıb. Petkoviç xüsusilə bu görüşdə nominal hücumçu olmadan meydana çıxardığı heyətə görə sərt tənqid olunub.