“Zirə” klubu minifutbol üzrə Çempionlar Liqasında ilk qələbəsini qazanıb.

Sportliqa.az xəbər verir ki, Seymur Məmmədovun baş məşqçi olduğu komanda G qrupunda Çexiya təmsilçisi “Hanspaulka” ilə üz-üzə gəlib.

Qarşılaşma Azərbaycan komandasının 2:0 hesablı qələbəsi ilə başa çatıb. Qolları İsa Atayev (22) və Samir Həmzəyev (30) rəqib qapısından keçiriblər.

“Zirə” ilk görüşündə Bosniya və Herseqovina təmsilçisi “Krayina” ilə heç-heçə etmişdi – 1:1.