Bu gün futbol üzrə Azərbaycan kubokunda finalçılar məlum olacaq.

Pressing.az xəbər verir ki, yarımfinalın cavab matçlarından biri Qəbələdə, digəri Bakıda keçiriləcək.

İlk olaraq “Qəbələ” və “Zirə” üz-üzə gələcək. Bakıdakı ilk görüşdə Zirə təmsilçisi qələbə qazanıb – 2:1.

İkinci finalçının adına Azərbaycan derbisində aydınlıq gələcək. “Qarabağ” – “Neftçi” oyunu saat 20:00-da başlayacaq. İlk matçda Ağdam komandası rəqibini 4 cavabsız qolla üstələyib.

Azərbaycan kuboku, yarımfinal

Cavab oyunları

24 aprel

17:00. Qəbələ – Zirə
Hakimlər: Tural Qurbanov, Müslüm Əliyev, Vüsal Məmmədov, Rauf Allahverdiyev.
Hakim-inspektor: Rövşən Əhmədov.
AFFA nümayəndəsi: Nəriman Axundov.
VAR: Cavid Cəlilov.
AVAR: Eyyub İbrahimov.
Qəbələ şəhər stadionu

20:00. Qarabağ – Neftçi
Hakimlər: Əliyar Ağayev, Zeynal Zeynalov, Akif Əmirəli, Rauf Cabarov.
Hakim-inspektor: İmanxan Sultani.
AFFA nümayəndəsi: Elgiz Abbasov.
Tofiq Bəhramov adına Respublika stadionu