Bu gün Azərbaycan kubokunda 2024/25 mövsümü start götürüb.

Sportliqa.az xəbər verir ki, 1-ci təsnifat mərhələsinin ilk gün üçün nəzərdə tutulan 2 matçından 1-i artıq başa çatıb. 2-ci liqa təmsilçilərindən "Şahdağ Qusar" "Kür-Araz"la qarşılaşıb. Oyunda Qusar təmsilçisi 3:1 hesablı qələbəyə sevinib. Nəticədə komanda 2-ci mərhələyə yüksəlib. "Şahdağ Qusar" qələbə qollarını 6 dəqiqəyə vurub.

"Şahdağ Qusar" burada "Araz-Naxçıvan"la qarşılaşacaq.

Günün digər oyununda isə "Şəfa" "Saatlı-Araz"la görüşəcək. Bu cütün qalibi isə 2-ci mərhələdə "Difai" ilə üz-üzə gələcək.

12 oktyabr

14:00. “Şahdağ Qusar” – “Kür-Araz” - 3:1

Qollar: Famil Camalov, 73, 77, Emin Quliyev, 79 - Nodar Məmmədov, 8

Hakimlər: İslam Məmmədov, Elmin Süleymanov, Mirnihat Seyidov, Rəsul Babayev

Şamaxı OİK.

16:30. “Şəfa” – “Saatlı-Araz”
Hakimlər: Rövşən Rəcəbov, Rasim Axundov, Nurlan Əhmədzadə, Maqsud Şamıyev
ASK Arena.