Bu gün Azərbaycan Premyer Liqasında Azərbaycan derbisi keçiriləcək.

Sportliqa.az xəbər verir ki, 15-ci turun 3-cü oyun günündə son çempion "Qarabağ" hazırda 8-ci pillədə qərarlaşan "Neftçi"nin qonağı olacaq. Görüş saat 19:00-da başlayacaq. Oyunu azərbaycanlı FİFA referisi Əliyar Ağayev idarə edəcək.

Ağdam klubu matçda qələbə qazanarsa, "Araz-Naxçıvan"ı geridə qoyaraq yenidən liderliyə yüksələcək. Qeyd etmək lazımdır ki, "Qarabağ" digərlərindən 1 oyun az keçirib.

"Neftçi" qalib gələcəyi təqdirdə isə 7-ci pilləyə qalxacaq.

Bu komandalar arasında 1-ci dövrənin oyununda Qurban Qurbanovun komandası 4:0 hesabı ilə üstün olub.

1 dekabr (bazar)

19:00. “Neftçi” – “Qarabağ”

Hakimlər: Əliyar Ağayev, Zeynal Zeynalov, Akif Əmirli, Elçin Məsiyev

VAR: Kamal Umudlu

AVAR: Elşad Abdullayev

“Neftçi Arena"