![Nəcəfin 5 ayına “quyruqlu 5”](https://sportliqa.az/upload/news/3652/770x552/photo_5384328408978285012_y.jpg)
İngiltərə Premyer Liqasının 7-ci turunda keçirilmiş "Tottenhem" - "Liverpul" oyununun VAR hakimləri cəzalandırılıb.
Sportliqa.az xəbər verir ki, bu barədə İngiltərə Peşəkar Hakimlər Birliyi açıqlama yayıb. Məlumata əsasən, matçın VAR hakimləri - Den Kuk və Derren İnqlend bu həftənin matçlarından çıxarılıblar.
Derren İnqlend bu gün "Nottinqem Forest" - "Brentford" matçına 4-cü hakim kimi təyinat almışdı. Den Kuk isə bazar ertəsi keçiriləcək "Fulhem" - "Çelsi" matçında 4-cü hakim olacaqdı.
Qeyd edək ki, "Tottenhem" - "Liverpul" oyununda qonaqların 34-cü dəqiqədə vurduğu qol ofsayd səbəbindən qeydə alınmayıb. Lakin epizodun təkrarında bunun əksi görünüb. Buna baxmayaraq, VAR qolu qeydə almayıb.