“Qarabağ”ın UEFA Gənclər Liqasındakı oyunlarının təqvimi müəyyənləşib
UEFA Gənclər Liqasının Çempionlar yolunun təqvimi açıqlanıb. “Qarabağ”ın U-19 komandasının oyunlarının vaxtı bəlli olub.
Sportliqa.az xəbər verir ki, bu barədə klubun mətbuat xidməti məlumat yayıb.
Ağdam təmsilçisi turnirdə 6 matça çıxacaq. “Qarabağ” ev görüşlərini “Azersun Arena”da keçirəcək.
I tur, 16 sentyabr
“Benfika” (Portuqaliya) - “Qarabağ”
II tur, 1 oktyabr
“Qarabağ” - “Kopenhagen” (Danimarka)
III tur, 22 oktyabr
“Atletik” (İspaniya) - “Qarabağ”
IV tur, 5 noyabr
“Qarabağ” - “Çelsi” (İngiltərə)
V tur, 25 noyabr
“Napoli” (İtaliya) - “Qarabağ”
VI tur, 10 dekabr
“Qarabağ” - “Ayaks” (Niderland)
Qeyd edək ki, 36 komandanın 6 turda mübarizə aparacağı mərhələdə 1-22-ci yeri tutan komandalar 1/16 finala yüksələcək.