Bu gün Azərbaycan Premyer Liqasında 16-cı tura start veriləcək.

Sportliqa.az xəbər verir ki, günün ilk matçında “Səbail” öz meydanında “Araz-Naxçıvan”ı sınağa çəkəcək.

Ardınca turun mərkəzi oyununda “Sabah” “Qarabağ”la üz-üzə gələcək.

Hazırda Ağdam klubu 37 xalla turnir cədvəlinə başçılıq edir. “Sabah” isə 22 xalla beşinci pillədə qərarlaşıb.

Ötən tur Vasili Berezutskinin rəhbərliyi altında çempionatda ilk oyununa çıxan “Sabah” 7 matçlıq qələbə həsrətinə son qoydu.
“Qarabağ” isə son 3 turu maksimum nəticə ilə başa vurub. Qurban Qurbanovun komandası sonuncu dəfə 12-ci turda “Turan Tovuz” səfərində xal itirib (0:0).

Qeyd edək ki, bu komandaların ilk dövrədəki oyununda “Qarabağ” 3:2 hesabı ilə qalib gəlib.

16-cı tur

7 dekabr (şənbə)

18:00. “Sabah” - “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov
VAR: Əliyar Ağayev
AVAR: Zeynal Zeynalov
“Bank Respublika Arena”

15:00. “Səbail” - “Araz-Naxçıvan”
Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov
VAR: Rəvan Həmzəzadə
AVAR: İnqilab Məmmədov
“ASCO Arena”