"Qarabağ"ın və milli komandanın sabiq kapitanı, hazırda "Qarabağ"ın U-14 komandasında məşqçi kimi çalışan Maksim Medvedev "İctimai" TV-nin "Off Top" podkastında xatirələrini bölüşərkən "Qəbələ"nin keçmiş  futbolçusu Viktor Mendi haqqında danışarkən onu "qarabala" adlandıraraq bilmədən irqçilik edib . 

Niyə bilmədən?

Çünki verilişin canlı olmaması və yayımdan 2 gün əvvəl çəkilməsini nəzərə alsaq, əgər fərqinə varsaydı, həmin hissənin montajda kəsilməsini istərdi.

FIFA-nın yanaşmasına görə irqçiliyi ehtiva edən istənilən ifadəyə "sıfır tolerans" prinsipi tətbiq olunur. Yəni, hətta zarafat və ya dostcasına deyilsə belə, cəza verilir. Məsələn, "Tottenhem"in oyunçusu Bentankur Son haqqında “O, qohumları ilə bir yerdə olanda onu ayıra bilmirəm” dediyi üçün bir neçə oyunluq cəza almışdı.

Bu ifadə nə Maksimə yaraşdı, nə də "İctimai" TV-yə.

Elsevər Muradzadə