15 yaşadək futbolçulardan ibarət Azərbaycan milli komandası Maltada keçiriləcək UEFA İnkişaf Turnirində iştirak edəcək.

Sportliqa.az xəbər verir ki, bu barədə AFFA məlumat yayıb.

Bakıda təlim-məşq toplanışını başa vuran komanda oktyabrın 19-27-si aralığında üç oyuna çıxacaq.

U-15 ilk oyununu oktyabrın 21-də Latviya yığmasına qarşı keçirəcək. Saat 12:00-da başlayacaq görüş “Sentineri” stadionunda təşkil olunacaq.

Komanda oktyabrın 23-də, saat 15:30-da Malta, 26-da isə eyni saatda Litva yığması ilə qarşılaşacaq. Hər üç oyun “Sentineri” stadionunda keçiriləcək.