Bu gün Azərbaycan Premyer Liqasında 2-ci tura yekun vurulub.

Sportliqa.az xəbər verir ki, son oyun günündə 1 matç keçirilib.

Ötən mövsümün sonunda 1-ci liqanın qalibi olaraq yenidən elitaya yüksələn "Qəbələ" "Zirə"ni qəbul edib. Oyunda hesabı meydan sahibləri açsa da, "Zirə" Ceyhun Nuriyevin dublu ilə əzmkar qələbə qazanıb - 2:1.

"Qəbələ" ilk turda "Karvan"la, "Zirə" isə "Araz-Naxçıvan"la 1:1 hesablı heç-heçə etmişdi. Bugünkü görüş "Zirə"nin mövsümdə ilk qəbəsi olub.

25 avqust (bazar ertəsi)

Azərbaycan Premyer Liqası, 2-ci tur

19:00. “Qəbələ” - “Zirə” - 1:2

Qollar: Nicat Əliyev, 18 (1:0), Ceyhun Nuriyev, 31 (1:1), 45+1 (1:2)

Hakimlər: İnqilab Məmmədov, Namiq Hüseynov, Teymur Teymurov, Elvin Bayramov
VAR: Fərid Hacıyev
AVAR: Elşad Abdullayev
Qəbələ şəhər stadionu