Meksikanın "Monterrey" klubunun mərkəz müdafiəçisi Serxio Ramos müqaviləsi bitdikdən sonra komandadan ayrılmaq istəyir.

Sportliqa.az xəbər verir ki, bu barədə AS məlumat yayıb.

Bildirilir ki, Ramos 2026-cı il dünya çempionatında İspaniya millisində oynamaq niyyətindədir. Bundan əlavə, o, İspaniyada yaşamağa üstünlük verir.

39 yaşlı Ramos hesab edir ki, İspaniya çempionatında müntəzəm oyun vaxtının ona formasını bərpa etməyə və Luis de la Fuentenin onu DÇ-2026-da millinin heyətinə dəvət etməyə kömək edəcək.

Qeyd edək ki, Serxio Ramos İspaniya millisində sonuncu dəfə 2021-ci ildə oynayıb.

Bu mövsüm Ramos bütün yarışlarda 21 oyun keçirib və 3 qol vurub. İspan müdafiəçinin "Monterrey" ilə müqaviləsi 31 dekabr 2025-ci ilə qədərdir.