Avropanın ən yaxşı liqalarında qapıçıların siyahısına "Real" və Belçika yığmasının qapıçısı Tibo Kurtua başçılıq edir.

Sportliqa.az xəbər verir ki, bu barədə "Opta" məlumat yayıb.

2025-ci ildə 33 yaşlı belçikalı bütün yarışlarda 174 seyv edib. Avropanın ən yaxşı beş liqasında heç bir qapıçı Madrid klubunun qolkiperinə yaxınlaşa bilməyib.

Kurtuanın hazırda "Real" ilə 2027-ci ilin iyun ayına qədər müqaviləsi var və komandanın bir nömrəli qapıçısı olaraq qalır.

Bu mövsüm o, bütün yarışlarda 29 oyunda iştirak edib və 12 dəfə qapısını toxunulmaz saxlayıb.