![Nəcəfin 5 ayına “quyruqlu 5”](https://sportliqa.az/upload/news/3652/770x552/photo_5384328408978285012_y.jpg)
“Qəbələ” klubu bu gün yeni mövsümün hazırlığına start verəcək.
Sportliqa.az xəbər verir ki, “qırmızı-qaralar” məşqlərə Qəbələdə başlayacaq.
2024-2025-ci illər mövsümünə hazırlığın ilk mərhələsi seleksiya xarakteri daşıyacaq. Komandanın ilk məşqi günün ikinci yarısında gerçəkləşəcək. Seleksiya xarakterli hazırlıq prosesi bir həftə davam edəcək.
Ardınca “Qəbələ”nin təlim-məşq toplanışına start veriləcək. Hazırlıq prosesi Qəbələ şəhər stadionunda gerçəkləşəcək.
Mövsümün startına qədər yoxlama oyunlarının keçirilməsi planlaşdırılıb. İlk matç iyulun 31-də olacaq. “Qırmızı-qaralar” Qəbələdə təlim-məşq toplanışında olan Küveytin "Əl-Yarmuk" klubu ilə üz-üzə gələcək. Digər yoxlama oyunlarının tarixi və rəqiblər barədə ictimaiyyətə məlumat veriləcək.
Qeyd edək ki, I Liqada yeni mövsümə sentyabrın 11-də start veriləcək. Yarışın püşkatma mərasimi avqustun 13-də AFFA-nın inzibati binasında təşkil olunacaq.